جلے چراغ بھلا کیسے تا سحر کوئی — اسد بدایونی
شاعر
جلے چراغ بھلا کیسے تا سحر کوئی
جلے چراغ بھلا کیسے تا سحر کوئی
ہوا کے پاس نہیں دوسرا ہنر کوئی
ابھرتی ڈوبتی گزرے ہوئے وصال کی ناؤ
بدن کے بحر میں پڑتا ہوا بھنور کوئی
یہ دل جزیرہ کسی دھند کے غلاف میں ہے
سو اب جہاز نہیں آئے گا ادھر کوئی
اداس چاند نے دریا کے در پہ دستک دی
خوش آمدید کو بڑھنے لگا بھنور کوئی
کسی سوال کا چہرہ کسی خیال کا پھول
نواح جاں میں کہاں حرف معتبر کوئی
Jale chiragh bhala kaise ta sahar koi
Jale chiragh bhala kaise ta sahar koi
Hawa ke paas nahin doosra hunar koi
Ubhar-ti doob-ti guzre hue visaal ki nao
Badan ke bahr mein padta hua bhanwar koi
Ye dil jazira kisi dhund ke ghilaf mein hai
So ab jahaz nahin aayega idhar koi
Udaas chand ne darya ke dar pe dastak di
Khush-aamdeed ko badhne laga bhanwar koi
Kisi sawal ka chehra kisi khayal ka phool
Nawah-e-jaan mein kahan harf-e-mo'tabar koi