جسے نہ میری اداسی کا کچھ خیال آیا — اسد بدایونی
شاعر
جسے نہ میری اداسی کا کچھ خیال آیا
جسے نہ میری اداسی کا کچھ خیال آیا
میں اس کے حسن پہ اک روز خاک ڈال آیا
یہ عشق خوب رہا باوجود ملنے کے
نہ درمیان کبھی لمحۂ وصال آیا
اشارہ کرنے لگے ہیں بھنور کے ہاتھ ہمیں
خوشا کہ پھر دل دریا میں اشتعال آیا
مروتوں کے ثمر داغ دار ہونے لگے
محبتوں کے شجر تجھ پہ کیا زوال آیا
حسین شکل کو دیکھا خدا کو یاد کیا
کسی گناہ کا دل میں کہاں خیال آیا
خدا بچائے تصوف گزیدہ لوگوں سے
کوئی جو شعر بھلا سن لیا تو حال آیا
Jise na meri udasi ka kuchh khayal aaya
Jise na meri udasi ka kuchh khayal aaya
Main us ke husn pe ik roz khak dal aaya
Ye ishq khoob raha bawajood milne ke
Na darmiyan kabhi lamha-e-visal aaya
Ishara karne lage hain bhanwar ke hath hamein
Khusha ki phir dil-e-dariya mein ishtial aaya
Murawwaton ke samar daghdar hone lage
Mohabbaton ke shajar tujh pe kya zawal aaya
Haseen shakal ko dekha khuda ko yaad kiya
Kisi gunah ka dil mein kahan khayal aaya
Khuda bachaye tasawwuf-guzeeda logon se
Koi jo shair bhala sun liya to haal aaya