جو عکس یار تہہ آب دیکھ سکتے ہیں — اسد بدایونی
شاعر
جو عکس یار تہہ آب دیکھ سکتے ہیں
جو عکس یار تہہ آب دیکھ سکتے ہیں
عجیب لوگ ہیں کیا خواب دیکھ سکتے ہیں
سمندروں کے سفر سب کی قسمتوں میں کہاں
سو ہم کنارے سے گرداب دیکھ سکتے ہیں
گزرنے والے جہازوں سے رسم و راہ نہیں
بس ان کے عکس سر آب دیکھ سکتے ہیں
ہوا کے اپنے علاقے ہوس کے اپنے مقام
یہ کب کسی کو ظفر یاب دیکھ سکتے ہیں
خفا ہیں عاشق و معشوق سے مگر کچھ لوگ
غزل میں عشق کے آداب دیکھ سکتے ہیں
Jo aks-e-yar teh-e-aab dekh sakte hain
Jo aks-e-yar teh-e-aab dekh sakte hain
Ajib log hain kya khwab dekh sakte hain
Samundaron ke safar sab ki qismaton mein kahan
So hum kinare se girdab dekh sakte hain
Guzarne wale jahazon se rasm-o-rah nahin
Bas un ke aks sar-e-aab dekh sakte hain
Hawa ke apne ilaqaey hawas ke apne maqam
Yeh kab kisi ko zafar-yab dekh sakte hain
Khafa hain aashiq-o-mashooq se magar kuch log
Ghazal mein ishq ke aadab dekh sakte hain