خاک تو ہم بھی ہر اک دشت کی چھانے ہوئے ہیں — اسد بدایونی
شاعر
خاک تو ہم بھی ہر اک دشت کی چھانے ہوئے ہیں
خاک تو ہم بھی ہر اک دشت کی چھانے ہوئے ہیں
کچھ نیا کرنے کی کوشش میں پرانے ہوئے ہیں
سبز موسم کا پتہ جن سے ملا کرتا تھا
تیرہ بختوں کے وہی شہر ٹھکانے ہوئے ہیں
خانۂ دل میں ابھی تک ہیں وہی لوگ آباد
جن کو اوجھل ہوئے آنکھوں سے زمانے ہوئے ہیں
تیر شاخوں میں ہیں پیوست پرندوں میں نہیں
کس شکاری کے خطا اتنے نشانے ہوئے ہیں
آب و گل ہی کا کرشمہ لب و رخسار بھی ہیں
ایسی کیا بات ہے کیوں آپ دوانے ہوئے ہیں
روز مت مانگیے مٹی کی محبت کا ثبوت
ہم تو یہ جسم اسی خاک کا چھانے ہوئے ہیں
شعر بھی لکھتا ہوں اور گھر بھی چلاتا ہوں جناب
کب کسی بوجھ کے شاکی مرے شانے ہوئے ہیں
Khak to hum bhi har ek dasht ki chhaane hue hain
Khak to hum bhi har ek dasht ki chhaane hue hain
Kuchh naya karne ki koshish mein purane hue hain
Sabz mausam ka pata jin se mila karta tha
Teera bakhton ke wahi shahr thikane hue hain
Khana-e-dil mein abhi tak hain wahi log aabad
Jin ko ojhal hue aankhon se zamane hue hain
Teer shakhon mein hi paiwast parindon mein nahin
Kis shikari ke khata itne nishane hue hain
Aab-o-gil hi ka karishma lab-o-rukhsar bhi hain
Aisi kya baat hai kyon aap deewane hue hain
Roz mat mangiye mitti ki mohabbat ka saboot
Hum to ye jism usi khak ka chhaane hue hain
Shair bhi likhta hoon aur ghar bhi chalata hoon janab
Kab kisi bojh ke shaki mere shane hue hain