کھلے ہیں دشت میں نفرت کے پھول آہستہ آہستہ — اسد بدایونی
شاعر
کھلے ہیں دشت میں نفرت کے پھول آہستہ آہستہ
کھلے ہیں دشت میں نفرت کے پھول آہستہ آہستہ
سروں تک آتی ہے قدموں کی دھول آہستہ آہستہ
ابھی کچھ دن لگیں گے موسموں کا بھید پانے میں
بدل جائیں گے یاروں کے اصول آہستہ آہستہ
زیاں کا کوئی رشتہ عمر بھر قائم نہیں رہتا
سو مٹ جاتا ہے ہر شوق فضول آہستہ آہستہ
مجھے جرم ہنر مندی کا قائل ہونے دو پہلے
میں ہر الزام کر لوں گا قبول آہستہ آہستہ
یہ دھرتی ایک دن بنجر زمیں بن جائے گی جاناں
گلابوں کی جگہ لیں گے ببول آہستہ آہستہ
Khule hain dasht mein nafrat ke phool ahista ahista
Khule hain dasht mein nafrat ke phool ahista ahista
Sarwon tak aati hai qadmon ki dhool ahista ahista
Abhi kuch din lagenge mausamon ka bhed paane mein
Badal jaayenge yaaron ke usool ahista ahista
Ziyaan ka koi rishta umar bhar qaem nahin rehta
So mit jaata hai har shauq fazool ahista ahista
Mujhe jurm-e-hunarmandi ka qaail hone do pehle
Main har ilzaam kar loonga qabool ahista ahista
Yeh dharti ek din banjar zameen ban jaayegi jaanaan
Gulaabon ki jagah lenge babool ahista ahista