کچھ لوگ جی رہے ہیں خدا کے بغیر بھی — اسد بدایونی
شاعر
کچھ لوگ جی رہے ہیں خدا کے بغیر بھی
کچھ لوگ جی رہے ہیں خدا کے بغیر بھی
سناٹے گونجتے ہیں صدا کے بغیر بھی
مٹی کی مملکت میں نمو کی زکوٰۃ پر
زندہ ہیں پیڑ آب و ہوا کے بغیر بھی
یہ نفرتوں کے زرد الاؤ نہ ہوں گے سرد
پھیلے گی آگ تیز ہوا کے بغیر بھی
ربط و تعلقات کا موسم نہیں کوئی
بارش ہوئی ہے کالی گھٹا کے بغیر بھی
دنیا کے کار زار میں بچوں کو ماؤں نے
رخصت کیا ہے حرف دعا کے بغیر بھی
خوف خدا میں عمر گزاری تو کیا ملا
کچھ دن جئیں گے خوف خدا کے بغیر بھی
Kuchh log ji rahe hain Khuda ke baghair bhi
Kuchh log ji rahe hain Khuda ke baghair bhi
Sannate goonjte hain sada ke baghair bhi
Mitti ki mamlikat mein namoo ki zakat par
Zinda hain ped aab-o-hawa ke baghair bhi
Ye nafraton ke zard alao na honge sard
Phailegi aag tez hawa ke baghair bhi
Rabt-o-talluqaat ka mausam nahin koi
Barish hui hai kali ghata ke baghair bhi
Duniya ke karzar mein bachchon ko maon ne
Rukhsat kiya hai harf-e-dua ke baghair bhi
Khauf-e-Khuda mein umar guzari to kya mila
Kuchh din jiyenge khauf-e-Khuda ke baghair bhi