کیوں مجھ کو گھنی چھاؤں میں مرنے نہیں دیتا — اسد بدایونی
شاعر
کیوں مجھ کو گھنی چھاؤں میں مرنے نہیں دیتا
کیوں مجھ کو گھنی چھاؤں میں مرنے نہیں دیتا
کیوں دھوپ کی سرحد سے گزرنے نہیں دیتا
تھا میری اڑانوں سے پریشان جو پہلے
اب مجھ کو زمینوں پہ اترنے نہیں دیتا
سچائی کا جلتا ہوا سورج مرا دشمن
آنکھوں میں کوئی خواب ٹھہرنے نہیں دیتا
ملتا نہیں اب پہلے کی مانند وہ لیکن
زنجیر تعلق بھی بکھرنے نہیں دیتا
اندازہ نہیں اس کو زمانے کی ہوا کا
احوال بیاں بھی مجھے کرنے نہیں دیتا
Kyun mujh ko ghani chhaon mein marne nahin deta
Kyun mujh ko ghani chhaon mein marne nahin deta
Kyun dhoop ki sarhad se guzrne nahin deta
Tha meri udaanon se pareshan jo pehle
Ab mujh ko zaminon pe utarne nahin deta
Sachchai ka jalta hua suraj mera dushman
Aankhon mein koi khwab theherne nahin deta
Milta nahin ab pehle ki manind wo lekin
Zanjir-e-taluq bhi bikharnay nahin deta
Andaza nahin us ko zamane ki hawa ka
Ahwal bayan bhi mujhe karne nahin deta