ملال عمر گریزاں کا کرتے رہتے ہیں — اسد بدایونی
شاعر
ملال عمر گریزاں کا کرتے رہتے ہیں
ملال عمر گریزاں کا کرتے رہتے ہیں
یہ لوگ زندہ نہیں روز مرتے رہتے ہیں
ہوس کا زور کسی طور کم نہیں ہوتا
قناعتوں کے گھروندے بکھرتے رہتے ہیں
دیے بجھانا گرانا گلوں کو شاخوں سے
ہوا کے ہاتھ سدا کام کرتے رہتے ہیں
یہ دل گئے ہوئے لوگوں کی یاد سے روشن
اس آئنے میں بہت عکس ابھرتے رہتے ہیں
کسی تسلسل زنجیر کے سوا کیا ہیں
جو لوگ روز نظر سے گزرتے رہتے ہیں
گلی میں گھوم رہے ہیں فراق کے آسیب
مکان بند کیے ہم بھی ڈرتے رہتے ہیں
کسی بھی خواب کی تکمیل غیر ممکن ہے
جو کام ہو نہیں سکتا وہ کرتے رہتے ہیں
Malal umar gurezan ka karte rehte hain
Malal umar gurezan ka karte rehte hain
Yeh log zinda nahin roz marte rehte hain
Hawas ka zor kisi taur kam nahin hota
Qanaaton ke gharonde bikharte rehte hain
Diye bujhana girana gulon ko shaakhon se
Hawa ke haath sada kaam karte rehte hain
Yeh dil gaye hue logon ki yaad se raushan
Is aaine mein bahut aks ubharte rehte hain
Kisi tasalsul zanjeer ke siwa kya hain
Jo log roz nazar se guzarte rehte hain
Gali mein ghoom rahe hain firaq ke aaseb
Makaan band kiye hum bhi darte rehte hain
Kisi bhi khwab ki takmeel ghair mumkin hai
Jo kaam ho nahin sakta woh karte rehte hain