موسم ہجر تو دائم ہے نہ رخصت ہوگا — اسد بدایونی
شاعر
موسم ہجر تو دائم ہے نہ رخصت ہوگا
موسم ہجر تو دائم ہے نہ رخصت ہوگا
ایک ہی لمحے کو ہو وصل غنیمت ہوگا
میرا دل آخری تارے کی طرح ہے گویا
ڈوبنا اس کا نئے دن کی بشارت ہوگا
اب کے ہنگامہ نئی طرح ہوا ہے آغاز
شہر بھی اب کے نئے طور سے غارت ہوگا
شاخ سے ٹوٹ کے پتے نے یہ دل میں سوچا
کون اس طرح بھلا مائل ہجرت ہوگا
دل سے دنیا کا جو رشتہ ہے عجب رشتہ ہے
ہم جو ٹوٹے ہیں تو کب شہر سلامت ہوگا
بادبانوں سے ہوا لگ کے گلے روتی ہے
یہ سفینہ بھی کسی موج کی قسمت ہوگا
Mausam-e-hijr to daaim hai na rukhsat hoga
Mausam-e-hijr to daaim hai na rukhsat hoga
Ek hi lamhe ko ho vasl ghanimat hoga
Mera dil akhiri taare ki tarah hai goya
Doobna us ka naye din ki basharat hoga
Ab ke hangama nayi tarah hua hai aghaz
Shehr bhi ab ke naye taur se gharat hoga
Shakh se toot ke patte ne ye dil mein socha
Kaun is tarah bhala maayil-e-hijrat hoga
Dil se duniya ka jo rishta hai ajab rishta hai
Hum jo toote hain to kab shehr salamat hoga
Baadbaan-on se hawa lag ke gale roti hai
Ye safina bhi kisi mauj ki qismat hoga