مرے لوگ خیمۂ صبر میں مرے شہر گرد ملال میں — اسد بدایونی
شاعر
مرے لوگ خیمۂ صبر میں مرے شہر گرد ملال میں
مرے لوگ خیمۂ صبر میں مرے شہر گرد ملال میں
ابھی کتنا وقت ہے اے خدا ان اداسیوں کے زوال میں
کبھی موج خواب میں کھو گیا کبھی تھک کے ریت پہ سو گیا
یوں ہی عمر ساری گزار دی فقط آرزوئے وصال میں
کہیں گردشوں کے بھنور میں ہوں کسی چاک پر میں چڑھا ہوا
کہیں میری خاک جمی ہوئی کسی دشت برف مثال میں
یہ ہوائے غم یہ فضائے نم مجھے خوف ہے کہ نہ ڈال دے
کوئی پردہ میری نگاہ پر کوئی رخنہ تیرے جمال میں
Mere log khaima-e-sabr mein mere shahar gard-e-malaal mein
Mere log khaima-e-sabr mein mere shahar gard-e-malaal mein
Abhi kitna waqt hai aye Khuda in udaasiyon ke zawaal mein
Kabhi mauj-e-khwab mein kho gaya kabhi thak ke ret pe so gaya
Yunhi umr saari guzaar di faqat aarzoo-e-visal mein
Kahin gardishon ke bhanwar mein hoon kisi chaak par main chadha hua
Kahin meri khaak jami hui kisi dasht-e-barf misaal mein
Ye hawa-e-gham ye faza-e-nam mujhe khauf hai ke na daal de
Koi parda meri nigah par koi rukhna tere jamaal mein