مرے شجر تجھے موسم نیا بناتے رہیں — اسد بدایونی
شاعر
مرے شجر تجھے موسم نیا بناتے رہیں
مرے شجر تجھے موسم نیا بناتے رہیں
گلاب صبر تری ٹہنیوں پہ آتے رہیں
جو دوستوں کی کمانوں کو تیر دیتا ہے
ہمیں یہ ظرف بھی بخشے کہ زخم کھاتے رہیں
بس اک چراغ ہے اپنی متاع بیش بہا
سو شام آتی رہے ہم اسے جلاتے رہیں
سحر کے رنگ دریچوں کو سیر کرتے جائیں
ہوا کے جھونکے کھلے آنگنوں میں آتے رہیں
کبھی کبھی کوئی سورج طلوع ہوتا رہے
ردائے ابر میں تارے بھی منہ چھپاتے رہیں
فصیل شہر انا رفتہ رفتہ گرتی جائے
یہ زلزلے مری جاں میں ہمیشہ آتے رہیں
Mere shajar tujhe mausam naya banate rahen
Mere shajar tujhe mausam naya banate rahen
Gulab-e-sabr teri tahniyon pe aate rahen
Jo doston ki kamanon ko teer deta hai
Hamein yeh zarf bhi bakhshe ke zakhm khate rahen
Bas ek charagh hai apni mata-e-besh-baha
So sham aati rahe hum use jalate rahen
Sahar ke rang darichon ko sair karte jaayen
Hawa ke jhonke khule aangnon mein aate rahen
Kabhi kabhi koi suraj tulu hota rahe
Rida-e-abr mein taare bhi munh chhupate rahen
Faseel-e-shahr-e-ana rafta rafta girti jaye
Yeh zalzale meri jaan mein hamesha aate rahen