مری انا مرے دشمن کو تازیانہ ہے — اسد بدایونی
شاعر
مری انا مرے دشمن کو تازیانہ ہے
مری انا مرے دشمن کو تازیانہ ہے
اسی چراغ سے روشن غریب خانہ ہے
میں اک طرف ہوں کسی کنج کم نمائی میں
اور ایک سمت جہانداری زمانہ ہے
یہ طائروں کی قطاریں کدھر کو جاتی ہیں
نہ کوئی دام بچھا ہے کہیں نہ دانہ ہے
ابھی نہیں ہے مجھے مصلحت کی دھوپ کا خوف
ابھی تو سر پہ بغاوت کا شامیانہ ہے
مری غزل میں رجز کی ہے گھن گرج تو کیا
سخن وری بھی تو کار سپاہیانہ ہے
Meri ana mere dushman ko taziyana hai
Meri ana mere dushman ko taziyana hai
Isi charagh se raushan ghareeb-khana hai
Main ek taraf hoon kisi kunj-e-kam-numa'i mein
Aur ek simt jahandari-e-zamana hai
Ye taa'iron ki qatarein kidhar ko jaati hain
Na koi daam bichha hai kahin na dana hai
Abhi nahin hai mujhe maslihat ki dhoop ka khauf
Abhi to sar pe baghawat ka shamiyana hai
Meri ghazal mein rajaz ki hai ghan garaj to kya
Sukhan-wari bhi to kaar-e-sipaahiyana hai