میری نفرت بھی ہے شعروں میں مرے پیار کے ساتھ — اسد بدایونی
شاعر
میری نفرت بھی ہے شعروں میں مرے پیار کے ساتھ
میری نفرت بھی ہے شعروں میں مرے پیار کے ساتھ
میں نے لکھی ہے غزل جرأت اظہار کے ساتھ
اقتدار ایک طرف ایک طرف درویشی
دونوں چیزیں نہیں رہ سکتی ہیں فن کار کے ساتھ
اک خلا دل میں بہت دن سے مکیں ہے اب تو
یاد گزرا ہوا موسم بھی نہیں یار کے ساتھ
بادبانوں سے الجھتی ہے ہوا روز مگر
کشتیاں سوئی ہیں کس شان سے پتوار کے ساتھ
شہر میں جہل کی ارزانی ہے لیکن اب تک
میں ہی سمجھوتہ نہیں کرتا ہوں معیار کے ساتھ
میرے اشعار ہیں ناقد کے لئے کچھ بھی نہیں
درد کو میں نہیں لکھتا کبھی دشوار کے ساتھ
Meri nafrat bhi hai sheron mein mere pyaar ke saath
Meri nafrat bhi hai sheron mein mere pyaar ke saath
Main ne likhi hai ghazal jurrat-e-izhaar ke saath
Iqtidaar ek taraf ek taraf darweshi
Donon cheezen nahin reh sakti hain fan-kaar ke saath
Ik khala dil mein bohot din se makeen hai ab to
Yaad guzra hua mausam bhi nahin yaar ke saath
Baadbaanoun se ulajhti hai hawa roz magar
Kashtiyaan soyi hain kis shaan se patwaar ke saath
Shehar mein jehl ki arzaani hai lekin ab tak
Main hi samjhauta nahin karta hoon miyaar ke saath
Mere ashaar hain naaqid ke liye kuch bhi nahin
Dard ko main nahin likhta kabhi dushwaar ke saath