مجھے بھی وحشت صحرا پکار میں بھی ہوں — اسد بدایونی
شاعر
مجھے بھی وحشت صحرا پکار میں بھی ہوں
مجھے بھی وحشت صحرا پکار میں بھی ہوں
ترے وصال کا امیدوار میں بھی ہوں
پرند کیوں مری شاخوں سے خوف کھاتے ہیں
کہ اک درخت ہوں اور سایہ دار میں بھی ہوں
مجھے بھی حکم ملے جان سے گزرنے کا
میں انتظار میں ہوں شہسوار میں بھی ہوں
بہت سے نیزے یہاں خود مری تلاش میں ہیں
یہ دشت جس میں برائے شکار میں بھی ہوں
ہوا چلے تو لرزتی ہے میری لو کتنی
میں اک چراغ ہوں اور بے قرار میں بھی ہوں
Mujhe bhi wahshat-e-sahra pukar main bhi hun
Mujhe bhi wahshat-e-sahra pukar main bhi hun
Tere visaal ka ummeedwar main bhi hun
Parind kyun meri shakhon se khauf khate hain
Ke ek darakht hun aur saya-dar main bhi hun
Mujhe bhi hukm mile jaan se guzarnay ka
Main intizar mein hun sheh-sawar main bhi hun
Bahut se neze yahan khud meri talash mein hain
Ye dasht jis mein bara-e-shikar main bhi hun
Hawa chale to larazti hai meri lau kitni
Main ek charagh hun aur be-qarar main bhi hun