پوچھو اگر تو کرتے ہیں انکار سب کے سب — اسد بدایونی
شاعر
پوچھو اگر تو کرتے ہیں انکار سب کے سب
پوچھو اگر تو کرتے ہیں انکار سب کے سب
سچ یہ کہ ہیں حیات سے بیزار سب کے سب
اپنی خبر کسی کو نہیں پھر بھی جانے کیوں
پڑھتے ہیں روز شہر میں اخبار سب کے سب
تھا ایک میں جو شرط وفا توڑتا رہا
حالانکہ با وفا تھے مرے یار سب کے سب
سوچو تو نفرتوں کا ذخیرہ ہے ایک دل
کرتے ہیں یوں تو پیار کا اظہار سب کے سب
زنداں کوئی قریب نہیں اور نہ رقص گاہ
سنتے ہیں اک عجیب سی جھنکار سب کے سب
میدان جنگ آنے سے پہلے پلٹ گئے
نکلے تھے لے کے ہاتھ میں تلوار سب کے سب
ذہنوں میں کھولتا تھا جو لاوا وہ جم گیا
مفلوج ہو کے رہ گئے فن کار سب کے سب
Pūchho agar to karte haiñ inkār sab ke sab
Pūchho agar to karte haiñ inkār sab ke sab
Sach ye ki haiñ hayāt se bezār sab ke sab
Apnī khabar kisī ko nahīñ phir bhī jaane kyuuñ
PaḌhte haiñ roz shahar meñ akhbār sab ke sab
Thā ek maiñ jo shart-e-vafā toḌtā rahā
Hālāñke bā-vafā the mere yār sab ke sab
Socho to nafratoñ kā zaḳhīra hai ek dil
Karte haiñ yūñ to pyār kā izhār sab ke sab
Zindāñ koī qarīb nahīñ aur na raqs-gāh
Sunte haiñ ik ajīb sī jhankār sab ke sab
Maidān-e-jañg aane se pahle palaṭ ga.e
Nikle the le ke hāth meñ talvār sab ke sab
Zehnoñ meñ khaultā thā jo lāvā vo jam gayā
Maflūj ho ke rah ga.e fan-kār sab ke sab