پتھر پانی ہو جاتے ہیں — اسد بدایونی
شاعر
پتھر پانی ہو جاتے ہیں
پتھر پانی ہو جاتے ہیں
لوگ کہانی ہو جاتے ہیں
نئے نئے چہرے والے بھی
بات پرانی ہو جاتے ہیں
عشق کی رت میں سارے بھکاری
راجا رانی ہو جاتے ہیں
شام سمے لو کے جھونکے بھی
پون سہانی ہو جاتے ہیں
سکھ کا موسم جب آتا ہے
جسم بھی پانی ہو جاتے ہیں
سوکھے پتے گئی رتوں کے
نئی نشانی ہو جاتے ہیں
ہم تو اس کی باتیں سن کر
پانی پانی ہو جاتے ہیں
Patthar paanī ho jaate haiñ
Patthar paanī ho jaate haiñ
Log kahānī ho jaate haiñ
Nae nae chehre vaale bhī
Baat purānī ho jaate haiñ
Ishq kī rut meñ saare bhikārī
Rājā rānī ho jaate haiñ
Shām samay lau ke jhoñke bhī
Pavan suhānī ho jaate haiñ
Sukh kā mausam jab aatā hai
Jism bhī paanī ho jaate haiñ
Sūkhe patte gaī rutoñ ke
Naī nishānī ho jaate haiñ
Ham to us kī bāteñ sun kar
Paanī paanī ho jaate haiñ