پوشیدہ کیوں ہے طور پہ جلوہ دکھا کے دیکھ — اسد بدایونی
شاعر
پوشیدہ کیوں ہے طور پہ جلوہ دکھا کے دیکھ
پوشیدہ کیوں ہے طور پہ جلوہ دکھا کے دیکھ
اے دوست میری تاب نظر آزما کے دیکھ
پھولوں کی تازگی ہی نہیں دیکھنے کی چیز
کانٹوں کی سمت بھی تو نگاہیں اٹھا کے دیکھ
لیتا نہیں کسی کا پس مرگ کوئی نام
دنیا کو دیکھنا ہے تو دنیا سے جا کے دیکھ
دل میں ہمارے درد زمانے کا ہے نہاں
پیوست دل میں سیکڑوں پیکاں جفا کے دیکھ
جو بادہ خوار غم ہیں انہیں بھی کبھی کبھی
ساقی شراب حسن کے ساغر پلا کے دیکھ
بن جائے گا کبھی نہ کبھی درد ہی دوا
اسعدؔ کے دل میں درد کی شدت بڑھا کے دیکھ
Poshida kyoon hai Toor pe jalwa dikha ke dekh
Poshida kyoon hai Toor pe jalwa dikha ke dekh
Ae dost meri taab-e-nazar aazma ke dekh
Phoolon ki taazgi hi nahin dekhne ki cheez
Kaanton ki simt bhi tu nigahein utha ke dekh
Leta nahin kisi ka pas-e-marg koi naam
Duniya ko dekhna hai to duniya se ja ke dekh
Dil mein hamaare dard zamaane ka hai nihaan
Paiwast dil mein saikdon paikaan-e-jafa ke dekh
Jo baada-khwaar-e-gham hain unhein bhi kabhi kabhi
Saaqi sharaab-e-husn ke saagar pila ke dekh
Ban jaayega kabhi na kabhi dard hi dawa
Asad! ke dil mein dard ki shiddat badha ke dekh