پرانے گھر سے نکل کر نئے مکان کی سمت — اسعد بدایونی
شاعر
پرانے گھر سے نکل کر نئے مکان کی سمت
پرانے گھر سے نکل کر نئے مکان کی سمت
بہت سے لوگ گئے اک عجب جہان کی سمت
پکارتا ہے جو صدیوں سے ہم کو اے یارو
چلو چلے چلیں اس ٹوٹے سائبان کی سمت
جو ایک عمر سے رہتا تھا برف زاروں میں
چلا ہے کس لیے جلتی ہوئی چٹان کی سمت
ملا تھا راہ میں بیٹھا جو ایک دن ہم کو
سنا ہے جا چکا وہ شخص آسمان کی سمت
مرا جہاز جو پہنچے گا اس جزیرے میں
نہ کوئی غور سے دیکھے گا بادبان کی سمت
کبھی جو سوچا ہے حق بات کہہ دوں اے اسعدؔ
بڑھی ہیں قینچیاں کتنی مری زبان کی سمت
Puraane ghar se nikal kar naye makaan ki simt
Puraane ghar se nikal kar naye makaan ki simt
Bohot se log gaye ik ajab jahaan ki simt
Pukaarta hai jo sadiyon se hum ko ae yaaro
Chalo chalein chalein us toote saayebaan ki simt
Jo ek umar se rehta tha barf-zaaron mein
Chala hai kis liye jalti hui chataan ki simt
Mila tha raah mein baitha jo ek din hum ko
Suna hai ja chuka woh shakhs aasmaan ki simt
Mera jahaaz jo pohanchega us jazeeere mein
Na koi ghaur se dekhega baadbaan ki simt
Kabhi jo socha hai haq baat keh doon ae Asad!
Badhi hain qainchiyaan kitni meri zabaan ki simt
شاعر کے بارے میں
اسد بدایونی جدید اردو شاعری کے اہم، سنجیدہ اور معتبر شعرا میں شمار ہوتے ہیں، جنہوں نے اپنی فکری گہرائی، تہذیبی شعور اور علامتی اسلوب کے باعث ادبی د...
مکمل تعارف پڑھیں