رہی اگرچہ نگاروں کی مہربانی بھی — اسد بدایونی
شاعر
رہی اگرچہ نگاروں کی مہربانی بھی
رہی اگرچہ نگاروں کی مہربانی بھی
بہت خراب کٹی رات بھی جوانی بھی
تجھے گنوا کے ترے واسطوں کا کیا کرتے
اسی لیے تو نہ رکھی کوئی نشانی بھی
دل و نگاہ کے رستوں میں کون حائل ہے
کہ ہم پہ بند ہوئے روشنی بھی پانی بھی
اگر لبوں سے نہ نکلے اگر دلوں میں رہے
بہت نئی ہے ابھی بات اک پرانی بھی
عذاب صحبت نا جنس کے شکار ہیں ہم
خدا زمیں پہ ہمیں دے ہمارا ثانی بھی
Rahi agarche nigaron ki meherbani bhi
Rahi agarche nigaron ki meherbani bhi
Bahut kharab kati raat bhi jawani bhi
Tujhe ganwa ke tere waaston ka kya karte
Isi liye to na rakhi koi nishani bhi
Dil-o-nigah ke raston mein kaun haail hai
Ke hum pe band hue raushani bhi paani bhi
Agar labon se na nikle agar dilon mein rahe
Bahut nayi hai abhi baat ek purani bhi
Azaab-e-sohbat-e-na-jins ke shikar hain hum
Khuda zameen pe humein de hamara saani bhi