سب اک چراغ کے پروانے ہونا چاہتے ہیں — اسعد بدایونی
شاعر
سب اک چراغ کے پروانے ہونا چاہتے ہیں
سب اک چراغ کے پروانے ہونا چاہتے ہیں
عجیب لوگ ہیں دیوانے ہونا چاہتے ہیں
نہ جانے کس لیے خوشیوں سے بھر چکے ہیں دل
مکان اب یہ عزا خانے ہونا چاہتے ہیں
وہ بستیاں کہ جہاں پھول ہیں دریچوں میں
اسی نواح میں ویرانے ہونا چاہتے ہیں
تکلفات کی نظموں کا سلسلہ ہے سوا
تعلقات اب افسانے ہونا چاہتے ہیں
جنوں کا زعم بھی رکھتے ہیں اپنے ذہن میں ہم
پڑے جو وقت تو فرزانے ہونا چاہتے ہیں
Sab ik chirāġh ke parvāne honā chāhte haiñ
Sab ik chirāġh ke parvāne honā chāhte haiñ
Ajīb log haiñ dīvāne honā chāhte haiñ
Na jaane kis liye khushiyoñ se bhar chuke haiñ dil
Makān ab ye azā-ḳhāne honā chāhte haiñ
Vo bastiyāñ ki jahāñ phuul haiñ darīchoñ meñ
Isī navāh meñ vīrāne honā chāhte haiñ
Takallufāt kī nazmoñ kā silsilā hai sivā
Ta'alluqāt ab afsāne honā chāhte haiñ
Junūñ kā za'm bhī rakhte haiñ apne zehn meñ ham
PaḌe jo vaqt to farzāne honā chāhte haiñ
شاعر کے بارے میں
اسد بدایونی جدید اردو شاعری کے اہم، سنجیدہ اور معتبر شعرا میں شمار ہوتے ہیں، جنہوں نے اپنی فکری گہرائی، تہذیبی شعور اور علامتی اسلوب کے باعث ادبی د...
مکمل تعارف پڑھیں