سب کے پیروں میں وہی رزق کا چکر کیوں ہے — اسد بدایونی
شاعر
سب کے پیروں میں وہی رزق کا چکر کیوں ہے
سب کے پیروں میں وہی رزق کا چکر کیوں ہے
گریہ اس عہد کے لوگوں کا مقدر کیوں ہے
یہ جو منظر ہیں بڑے کیوں ہیں مری آنکھوں سے
یہ جو دنیا ہے مرے دل کے برابر کیوں ہے
آسمانوں پہ بہت دیر سے ٹھہری ہے شفق
سوچتا ہوں کہ ابھی تک یہی منظر کیوں ہے
میں بظاہر تو اجالوں میں بسر کرتا ہوں
ایک پراسرار سیاہی مرے اندر کیوں ہے
کشتیاں ڈوب چکیں سر پھرے غرقاب ہوئے
مشتعل اب بھی اسی طرح سمندر کیوں ہے
Sab ke pairon mein wahi rizq ka chakkar kyun hai
Sab ke pairon mein wahi rizq ka chakkar kyun hai
Giriya is ahad ke logon ka muqaddar kyun hai
Ye jo manzar hain bade kyun hain meri aankhon se
Ye jo duniya hai mere dil ke barabar kyun hai
Aasmanon pe bahut der se thehri hai shafaq
Sochta hun ke abhi tak yahi manzar kyun hai
Main ba-zaahir to ujalon mein basar karta hun
Ek pur-asrar siyahi mere andar kyun hai
Kashtiyan doob chukin sar phire gharaq-ab hue
Mushta'il ab bhi isi tarah samandar kyun hai