سفر بھی کوئی نہ ہو رہ گزر بھی کوئی نہ ہو — اسعد بدایونی
شاعر
سفر بھی کوئی نہ ہو رہ گزر بھی کوئی نہ ہو
سفر بھی کوئی نہ ہو رہ گزر بھی کوئی نہ ہو
ہمارے بعد خراب اس قدر بھی کوئی نہ ہو
سب اس ہجوم میں گم ہونا چاہتے ہیں جہاں
پتا ٹھکانہ بھی خیر و خبر بھی کوئی نہ ہو
خدا وہ دن نہ دکھائے کہ ان دیاروں میں
سب آنکھیں رکھتے ہوں اور دیدہ ور بھی کوئی نہ ہو
زمانہ کاش نہ آئے کہ پھول پھل کے بغیر
فقط گھروں کا ہو جنگل شجر بھی کوئی نہ ہو
زمیں نہ بین کرے مہربان ماں کی طرح
کرو کچھ ایسا کسی کا ضرر بھی کوئی نہ ہو
پھر اس جہان میں کیسے رہیں کہاں جائیں
وطن بھی کوئی نہ ہو اور گھر بھی کوئی نہ ہو
ہمیں زمیں پہ اتارا گیا زوال کے وقت
یہی بجا ہے تو پھر نوحہ گر بھی کوئی نہ ہو
Safar bhi koi na ho rahguzar bhi koi na ho
Safar bhi koi na ho rahguzar bhi koi na ho
Hamaare baad kharaab is qadar bhi koi na ho
Sab is hujoom mein gum hona chahte hain jahaan
Pata thikaana bhi khair o khabar bhi koi na ho
Khuda woh din na dikhaaye ke in diyaaron mein
Sab aankhein rakhte hon aur deedawar bhi koi na ho
Zamaana kaash na aaye ke phool phal ke baghair
Faqat gharon ka ho jungle shajar bhi koi na ho
Zameen na bain kare mehrbaan maan ki tarah
Karo kuch aisa kisi ka zarar bhi koi na ho
Phir is jahaan mein kaise rahen kahan jaayen
Watan bhi koi na ho aur ghar bhi koi na ho
Humein zameen pe utaara gaya zawaal ke waqt
Yehi baja hai to phir nauha-gar bhi koi na ho
شاعر کے بارے میں
اسد بدایونی جدید اردو شاعری کے اہم، سنجیدہ اور معتبر شعرا میں شمار ہوتے ہیں، جنہوں نے اپنی فکری گہرائی، تہذیبی شعور اور علامتی اسلوب کے باعث ادبی د...
مکمل تعارف پڑھیں