شب سیاہ سے جو استفادہ کرتے ہیں — اسعد بدایونی
شاعر
شب سیاہ سے جو استفادہ کرتے ہیں
شب سیاہ سے جو استفادہ کرتے ہیں
وہی چراغوں کا ماتم زیادہ کرتے ہیں
دلوں کا درد کہاں جام میں اترتا ہے
حریف وقت کو ہم غرق بادہ کرتے ہیں
پرانی تلخیاں دامن بہت پکڑتی ہیں
کبھی نیا جو کوئی ہم ارادہ کرتے ہیں
پڑی تھی دل کی زمیں جانے کب سے بے مصرف
اب اس میں یادوں کے بت ایستادہ کرتے ہیں
عجیب دور ہے یہ جس میں سارے دانشور
دلوں کو تنگ مکاں کو کشادہ کرتے ہیں
یہ آسمان وطن کیوں ردا ہماری ہے
ہم اس زمین کو کیسے لبادہ کرتے ہیں
Shab siyah se jo istifada karte hain
Shab siyah se jo istifada karte hain
Wohi charaghon ka matam zyada karte hain
Dilon ka dard kahan jaam mein utarta hai
Harif-e-waqt ko hum gharq-e-bada karte hain
Purani talkhiyan daman bohot pakarti hain
Kabhi naya jo koi hum irada karte hain
Pari thi dil ki zameen jaane kab se be-masraf
Ab is mein yadon ke but istada karte hain
Ajib daur hai yeh jis mein saare danishwar
Dilon ko tang, makan ko kushada karte hain
Yeh aasman-e-watan kyun rida hamari hai
Hum is zameen ko kaise labada karte hain
شاعر کے بارے میں
اسد بدایونی جدید اردو شاعری کے اہم، سنجیدہ اور معتبر شعرا میں شمار ہوتے ہیں، جنہوں نے اپنی فکری گہرائی، تہذیبی شعور اور علامتی اسلوب کے باعث ادبی د...
مکمل تعارف پڑھیں