سیاہ رات سے ہم روشنی بناتے ہیں — اسد بدایونی
شاعر
سیاہ رات سے ہم روشنی بناتے ہیں
سیاہ رات سے ہم روشنی بناتے ہیں
پرانی بات کو اکثر نئی بناتے ہیں
کل ایک بچے نے ہم سے کہا بناؤ گھر
سو ہم نے کہہ دیا ٹھہرو ابھی بناتے ہیں
ہم ایک اور ہی منظر کی تاک میں ہیں میاں
یہ دھوپ چھاؤں کے نقشے سبھی بناتے ہیں
مصوران فنا اپنے کینوس پہ کبھی
نہ کوئی شہر نہ کوئی گلی بناتے ہیں
ہم اس دیار میں زندہ ہیں جس کے سارے لوگ
کبھی فتیلہ کبھی لبلبی بناتے ہیں
Siyah raat se hum roshni banaate hain
Siyah raat se hum roshni banaate hain
Puraani baat ko aksar nayi banaate hain
Kal ek bachche ne hum se kaha banaao ghar
So hum ne keh diya thehro abhi banaate hain
Hum ek aur hi manzar ki taak mein hain miyaan
Yeh dhoop chhaaon ke naqshe sabhi banaate hain
Musawiraan-e-fana apne canvas pe kabhi
Na koi shehar na koi gali banaate hain
Hum us diyaar mein zinda hain jis ke saare log
Kabhi fateela kabhi lablabi banaate hain