طلب کی راہوں میں سارے عالم نئے نئے سے — اسعد بدایونی
شاعر
طلب کی راہوں میں سارے عالم نئے نئے سے
طلب کی راہوں میں سارے عالم نئے نئے سے
شجر حجر لوگ شہر موسم نئے نئے سے
چمک رہا تھا فلک پہ سورج نیا نیا سا
لٹا چکی تھی خزانے شبنم نئے نئے سے
ہیں اب بھی آنکھوں کے دیدبانوں میں اپنی وہ دن
لگے دیار سحر کو جب ہم نئے نئے سے
تموجوں کی رگوں میں شورش نئی نئی سی
لہو کے جھگڑے بدن میں پیہم نئے نئے سے
پرانے ہوتے ہوئے صحیفے درخت انساں
یہ چاند سورج ستارے ہر دم نئے نئے سے
کبھی تو آئیں گے شاخ دل پر گلاب تازہ
ملیں گے اسعدؔ ہمیں بھی موسم نئے نئے سے
Talab ki raahon mein saare aalam naye naye se
Talab ki raahon mein saare aalam naye naye se
Shajar hajar log shahar mausam naye naye se
Chamak raha tha falak pe suraj naya naya sa
Luta chuki thi khazane shabnam naye naye se
Hain ab bhi aankhon ke deedbanon mein apni wo din
Lage dayar-e-sahar ko jab hum naye naye se
Tamawwujon ki ragon mein shorish nai nai si
Lahoo ke jhagde badan mein paiham naye naye se
Purane hote hue saheefe darakht insaan
Yeh chand suraj sitare har dam naye naye se
Kabhi to aayenge shakh-e-dil par gulab taza
Milenge Asad hamein bhi mausam naye naye se
شاعر کے بارے میں
اسد بدایونی جدید اردو شاعری کے اہم، سنجیدہ اور معتبر شعرا میں شمار ہوتے ہیں، جنہوں نے اپنی فکری گہرائی، تہذیبی شعور اور علامتی اسلوب کے باعث ادبی د...
مکمل تعارف پڑھیں