تلاش رزق میں دیوان کرتا رہتا ہوں — اسد بدایونی
شاعر
تلاش رزق میں دیوان کرتا رہتا ہوں
تلاش رزق میں دیوان کرتا رہتا ہوں
ابھی سفر نہیں سامان کرتا رہتا ہوں
خود اپنی راہ میں اکثر پہاڑ اگاتا ہوں
خود اپنی مشکلیں آسان کرتا رہتا ہوں
سجاتا رہتا ہوں کاغذ کے پھول شاخوں پر
میں تتلیوں کو پریشان کرتا رہتا ہوں
میں تخم اشک سے طوفاں اگانے کی ضد میں
تمام شہر کو حیران کرتا رہتا ہوں
مرے مکاں میں دھواں بھی گھٹن بھی ہے لیکن
میں خوشبوؤں کو بھی مہمان کرتا رہتا ہوں
Talash-e-rizq mein diwan karta rahta hoon
Talash-e-rizq mein diwan karta rahta hoon
Abhi safar nahin samaan karta rahta hoon
Khud apni raah mein aksar pahad ugata hoon
Khud apni mushkilein aasan karta rahta hoon
Sajata rahta hoon kaghaz ke phool shakhen par
Main titliyon ko pareshan karta rahta hoon
Main tukhm-e-ashk se toofan ugane ki zid mein
Tamam shahr ko hairan karta rahta hoon
Mere makan mein dhuan bhi ghutan bhi hai lekin
Main khushbuon ko bhi mehman karta rahta hoon