اداس رات کا دکھ جانتا کوئی بھی نہ تھا — اسعد بدایونی
شاعر
اداس رات کا دکھ جانتا کوئی بھی نہ تھا
اداس رات کا دکھ جانتا کوئی بھی نہ تھا
مری طرح اسے پہچانتا کوئی بھی نہ تھا
سب اپنے قد کو صنوبر سمجھ رہے تھے وہاں
مرے وجود کو گردانتا کوئی بھی نہ تھا
وہ جس کی لاش سڑک پر پڑی ہوئی تھی کل
اس ایک شخص کو پہچانتا کوئی بھی نہ تھا
سب اپنی دھن میں مگن اپنی فکر میں گم تھے
نصیحتوں کو مری مانتا کوئی بھی نہ تھا
میں اجنبی تھا وہاں سب کے واسطے اسعدؔ
ترے نگر میں مجھے جانتا کوئی بھی نہ تھا
اسعد بدایونی
Udaas raat ka dukh jaanta koi bhi na tha
Udaas raat ka dukh jaanta koi bhi na tha
Meri tarah use pehchanta koi bhi na tha
Sab apne qad ko sanobar samajh rahe the wahan
Mere wajood ko gardanta koi bhi na tha
Wo jis ki laash sadak par padi hui thi kal
Us ek shakhs ko pehchanta koi bhi na tha
Sab apni dhun mein magan apni fikr mein gum the
Nasihaton ko meri manta koi bhi na tha
Main ajnabi tha wahan sab ke waste Asad
Tere nagar mein mujhe jaanta koi bhi na tha
شاعر کے بارے میں
اسد بدایونی جدید اردو شاعری کے اہم، سنجیدہ اور معتبر شعرا میں شمار ہوتے ہیں، جنہوں نے اپنی فکری گہرائی، تہذیبی شعور اور علامتی اسلوب کے باعث ادبی د...
مکمل تعارف پڑھیں