وہ لوگ بھی کیسے لوگ ہیں جو کوئی بات فضول نہیں کرتے — اسعد بدایونی
شاعر
وہ لوگ بھی کیسے لوگ ہیں جو کوئی بات فضول نہیں کرتے
وہ لوگ بھی کیسے لوگ ہیں جو کوئی بات فضول نہیں کرتے
یہ سارے قصے جھوٹے ہیں ہم ان کو قبول نہیں کرتے
تمہیں علم نہیں ہے یقین کرو میں قریب سے جانتا ہوں ان کو
کچھ سوداگر ایسے بھی ہیں جو قرض وصول نہیں کرتے
میں پتھر لے کر بیٹھا ہوں اور اس بستی کے دانا اب
کیوں کار شیشہ گری کر کے مجھ کو مشغول نہیں کرتے
کسی رن میں ساتھ حسین کا دیں کس نہر سے پانی لے آئیں
اس شہر کے سارے نوحہ گر کوئی ایسی بھول نہیں کرتے
مرے نام کے حرف چمکتے ہیں لیکن یہ چمک ہے شعلوں کی
میں ایک ایسی سچائی ہوں جسے لوگ قبول نہیں کرتے
مجھے بھول کے نادم مت ہونا اے اگلی نسلوں کے بچو
ہاں اپنے بزرگوں کا ماتم کبھی تازہ پھول نہیں کرتے
Vo log bhī kaise log haiñ jo koī baat fazūl nahīñ karte
Vo log bhī kaise log haiñ jo koī baat fazūl nahīñ karte
Ye saare qisse jhūṭe haiñ ham un ko qabūl nahīñ karte
Tumheñ ilm nahīñ hai yaqīn karo maiñ qarīb se jāntā huuñ un ko
Kuchh saudāgar aise bhī haiñ jo qarẓ vasūl nahīñ karte
Maiñ patthar le kar baiṭhā huuñ aur is bastī ke dānā ab
Kyuuñ kār-e-shīsha-garī kar ke mujh ko mashġūl nahīñ karte
Kisī ran meñ sāth husain kā deñ kis nahar se paanī le ā.eñ
Is shahar ke saare nauha-gar koī aisī bhūl nahīñ karte
Mere nām ke harf chamakte haiñ lekin ye chamak hai sho'loñ kī
Maiñ ek aisī sachchāī huuñ jise log qabūl nahīñ karte
Mujhe bhūl ke nādim mat honā ai aglī nasloñ ke bachcho
Hāñ apne buzurgon kā mātam kabhī tāza phūl nahīñ karte
شاعر کے بارے میں
اسد بدایونی جدید اردو شاعری کے اہم، سنجیدہ اور معتبر شعرا میں شمار ہوتے ہیں، جنہوں نے اپنی فکری گہرائی، تہذیبی شعور اور علامتی اسلوب کے باعث ادبی د...
مکمل تعارف پڑھیں