وہ ایک نام جو دریا بھی ہے کنارا بھی — اسد بدایونی
شاعر
وہ ایک نام جو دریا بھی ہے کنارا بھی
وہ ایک نام جو دریا بھی ہے کنارا بھی
رہا ہے اس سے بہت رابطہ ہمارا بھی
چمن وہی کہ جہاں پر لبوں کے پھول کھلیں
بدن وہی کہ جہاں رات ہو گوارا بھی
ہمیں بھی لمحۂ رخصت سے ہول آتا ہے
جدا ہوا ہے کوئی مہرباں ہمارا بھی
علامت شجر سایہ دار بھی وہ جسم
خرابی دل و دیدہ کا استعارہ بھی
افق تھکن کی ردا میں لپٹتا جاتا ہے
سو ہم بھی چپ ہیں اور اس شام کا ستارا بھی
Wo ek naam jo darya bhi hai kinara bhi
Wo ek naam jo darya bhi hai kinara bhi
Raha hai us se bahut raabta hamara bhi
Chaman wahi ke jahan par labon ke phool khilein
Badan wahi ke jahan raat ho gawara bhi
Hamein bhi lamha-e-rukhsat se haul aata hai
Juda hua hai koi mehrbaan hamara bhi
Alamat-e-shajar-e-saya-dar bhi wo jism
Kharabi-e-dil o deeda ka isti'aara bhi
Ufuq thakan ki rida mein lipat'ta jaata hai
So hum bhi chup hain aur us shaam ka sitara bhi