یہی نہیں کہ مرا گھر بدلتا جاتا ہے — اسعد بدایونی
شاعر
یہی نہیں کہ مرا گھر بدلتا جاتا ہے
یہی نہیں کہ مرا گھر بدلتا جاتا ہے
مزاج شہر بھی بدلتا جاتا ہے
رتیں قدیم تواتر سے آتی جاتی ہیں
درخت پتوں کے زیور بدلتا جاتا ہے
افق پہ کیوں نہیں رکتی کوئی کرن پل بھر
یہ کون تیزی سے منظر بدلتا جاتا ہے
غبار وقت میں سب رنگ گھلتے جاتے ہیں
زمانہ کتنے ہی تیور بدلتا جاتا ہے
چھڑی ہوئی ہے ازل سے دل و نگاہ میں جنگ
محاذ ایک ہے لشکر بدلتا جاتا ہے
یہ کس کا ہاتھ ہے جو بے چراغ راتوں میں
فصیل شہر کے پتھر بدلتا جاتا ہے
پرند پیڑ سے پرواز کرتے جاتے ہیں
کہ بستیوں کا مقدر بدلتا جاتا ہے
اسعد بدایونی
Yahi nahin ke mera ghar badalta jata hai
Yahi nahin ke mera ghar badalta jata hai
Mizaaj-e-shehr bhi badalta jata hai
Ruten qadeem tawatur se aati jaati hain
Darakht patton ke zewar badalta jata hai
Ufuq pe kyun nahin rukti koi kiran pal bhar
Ye kaun tezi se manzar badalta jata hai
Ghubaar-e-waqt mein sab rang ghulte jaate hain
Zamana kitne hi tewar badalta jata hai
Chhidi hui hai azal se dil o nigah mein jang
Muhaaz ek hai lashkar badalta jata hai
Ye kis ka haath hai jo be-charagh raaton mein
Faseel-e-shehr ke patthar badalta jata hai
Parind ped se parwaz karte jaate hain
Ke bastiyon ka muqaddar badalta jata hai
شاعر کے بارے میں
اسد بدایونی جدید اردو شاعری کے اہم، سنجیدہ اور معتبر شعرا میں شمار ہوتے ہیں، جنہوں نے اپنی فکری گہرائی، تہذیبی شعور اور علامتی اسلوب کے باعث ادبی د...
مکمل تعارف پڑھیں