یقیں سے نکلے تو جیسے گماں کی زد میں ہیں — اسد بدایونی
شاعر
یقیں سے نکلے تو جیسے گماں کی زد میں ہیں
یقیں سے نکلے تو جیسے گماں کی زد میں ہیں
یہ کیا تضاد ہے ہم کس زیاں کی زد میں ہیں
بہت طویل ہیں گویا رتوں کی زنجیریں
نئے شگوفے سبھی رفتگاں کی زد میں ہیں
انہیں نصیب ہو اب ماورا کوئی ساعت
ازل سے پیڑ بہار و خزاں کی زد میں ہیں
وہی سفر ہے سمندر بھی کشتیاں بھی وہی
ہوائیں اب کے مگر بادباں کی زد میں ہیں
سنو چراغ بجھا دو تمام خیمے کے
مرے عزیز شب امتحاں کی زد میں ہیں
جو ہم پہ عرصۂ خوش منظری میں بیت گئیں
کہانیاں ہیں مگر کب بیاں کی زد میں ہیں
Yaqeen se nikle to jaise guman ki zad mein hain
Yaqeen se nikle to jaise guman ki zad mein hain
Yeh kya tazaad hai hum kis ziyan ki zad mein hain
Bohot taweel hain goya ruton ki zanjeerein
Naye shagufe sabhi raftagaan ki zad mein hain
Inhein naseeb ho ab mawra koi sa'at
Azal se per bahar-o-khizan ki zad mein hain
Wohi safar hai samundar bhi kashtiyan bhi wohi
Hawain ab ke magar badban ki zad mein hain
Suno charagh bujha do tamam khaime ke
Mere azeez shab-e-imtehan ki zad mein hain
Jo hum pe arse khush manzarai mein beet gayin
Kahaniyan hain magar kab bayan ki zad mein hain