یہ دھوپ چھاؤں کے اسرار کیا بتاتے ہیں — اسد بدایونی
شاعر
یہ دھوپ چھاؤں کے اسرار کیا بتاتے ہیں
یہ دھوپ چھاؤں کے اسرار کیا بتاتے ہیں
جو آنکھ ہو تو اسی کا پتہ بتاتے ہیں
یہ کون لوگ ہیں جو سارے کم عیاروں کو
کبھی چراغ کبھی آئینہ بتاتے ہیں
کبھی وہ شخص اک ادنیٰ غلام تھا میرا
رفیق اب جسے اپنا خدا بتاتے ہیں
بہت سے لوگوں کو میں بھی غلط سمجھتا ہوں
بہت سے لوگ مجھے بھی برا بتاتے ہیں
وہ کتنے چھوٹے ہیں اندازہ خود لگا لیجے
جو اپنے آپ کو سب سے بڑا بتاتے ہیں
Ye dhoop chhaon ke asraar kya batate hain
Ye dhoop chhaon ke asraar kya batate hain
Jo aankh ho to usi ka pata batate hain
Ye kaun log hain jo saare kam-ayaaron ko
Kabhi charagh kabhi aa'iina batate hain
Kabhi wo shakhs ek adna ghulam tha mera
Rafeeq ab jise apna Khuda batate hain
Bahut se logon ko main bhi ghalat samajhta hoon
Bahut se log mujhe bhi bura batate hain
Wo kitne chhote hain andaaza khud laga leejiye
Jo apne aap ko sab se bada batate hain