یہ زندہ رہنے کا موسم گزر نہ جائے کہیں — اسد بدایونی
شاعر
یہ زندہ رہنے کا موسم گزر نہ جائے کہیں
یہ زندہ رہنے کا موسم گزر نہ جائے کہیں
اب آ بھی جاؤ دل زار مر نہ جائے کہیں
مرا ستارا تو اب تک نظر نہیں آیا
میں ڈر رہا ہوں کہ یہ شب گزر نہ جائے کہیں
ندی کنارے کھڑا پیڑ سوچ میں گم ہے
کوئی بھنور اسے برباد کر نہ جائے کہیں
پرندے اپنے ٹھکانوں کو خیر سے پہنچے
دعا یہی ہے کہ کوئی ٹھہر نہ جائے کہیں
گلا بھی خود سے ہے اور سلسلہ بھی خود سے ہے
ہماری بات ادھر سے ادھر نہ جائے کہیں
Ye zinda rahne kā mausam guzar na jaae kahīñ
Ye zinda rahne kā mausam guzar na jaae kahīñ
Ab ā bhī jaao dil-e-zār mar na jaae kahīñ
Mirā sitāra to ab tak nazar nahīñ aayā
Maiñ Dar rahā huuñ ki ye shab guzar na jaae kahīñ
Nadī kināre khaḌā peḌ soch meñ gum hai
Koī bhañvar use barbād kar na jaae kahīñ
Parinde apne ṭhikānoñ ko khair se pahuñche
Du'ā yahī hai ki koī ṭhahar na jaae kahīñ
Gilā bhī ḳhud se hai aur silsila bhī ḳhud se hai
Hamārī baat idhar se udhar na jaae kahīñ