چھٹے غبار نظر بام طور آ جائے — غلام ربانی تاباں
شاعر
چھٹے غبار نظر بام طور آ جائے
چھٹے غبار نظر بام طور آ جائے
پیو شراب کہ چہرہ پہ نور آ جائے
اٹھاؤ جام بنام حیات بادہ کشو
نظارے جھومیں نظر کو سرور آ جائے
شراب خانے میں کوثر کا ذکر کیا کہئے
کسی کی عقل میں جیسے فتور آ جائے
تمام زہد و ریاضت ہو غرق موج شراب
جو میکدے میں وہ شیدائے حور آ جائے
مقام دار سے گزرو تو زندگی پاؤ
پیو جو زہر ہلاہل سرور آ جائے
نگاہ تیز نفس گرم آرزو بے باک
جسے ہو ناز ہمارے حضور آ جائے
یہ کاروبار مشیت بھی خوب ہے تاباںؔ
کسی پہ برق گرے زد پہ طور آ جائے
غلام ربانی تاباں
ChhuTe ghubaar nazar baam-e-toor aa jaaye
ChhuTe ghubaar nazar baam-e-toor aa jaaye
Piyo sharab ke chehra pe noor aa jaaye
Uthao jaam ba-naam-e-hayaat baada-kusho
Nazare jhoomein nazar ko suroor aa jaaye
Sharab-khane mein Kausar ka zikr kya kahiye
Kisi ki aql mein jaise futoor aa jaaye
Tamaam zuhd o riyazat ho gharq-e-mauj-e-sharab
Jo maikade mein woh shaida-e-hoor aa jaaye
Maqam-e-daar se guzro to zindagi pao
Piyo jo zehr-e-halahal suroor aa jaaye
Nigah-e-tez nafas-e-garm aarzoo be-baak
Jise ho naaz hamare huzoor aa jaaye
Yeh karobar-e-mashiyat bhi khoob hai Tabāñ
Kisi pe barq gire zad pe toor aa jaaye
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں