لطف یہ ہے جسے آشوب جہاں کہتا ہوں — غلام ربانی تاباں
شاعر
لطف یہ ہے جسے آشوب جہاں کہتا ہوں
لطف یہ ہے جسے آشوب جہاں کہتا ہوں
اسی ظالم کو فروغ دل و جاں کہتا ہوں
غیر کا ذکر ہی کیا مفت میں الزام نہ دو
دل کی ہر بات میں تم سے بھی کہاں کہتا ہوں
کسی مجبور کے ہونٹوں پہ جو آ جاتا ہے
اس تبسم کو میں اعجاز فغاں کہتا ہوں
نہ میں زندانیٔ صحرا نہ اسیر گلشن
کوئی بندش ہو اسے جی کا زیاں کہتا ہوں
دل شکستہ سہی مایوس نہیں ہوں اے دوست
میں کہ ہر دور کو دور گزراں کہتا ہوں
حسن کا شیوۂ پیماں شکنی اچھا ہے
پھر بھی ہر سانس کو چشم نگراں کہتا ہوں
کوئی حد ہے مری آشفتہ سری کی تاباںؔ
ان کی زلفوں کو چراغوں کا دھواں کہتا ہوں
غلام ربانی تاباں
Lutf yeh hai jise aashob-e-jahan kehta hoon
Lutf yeh hai jise aashob-e-jahan kehta hoon
Isi zaalim ko farogh-e-dil o jaan kehta hoon
Ghair ka zikr hi kya muft mein ilzaam na do
Dil ki har baat mein tum se bhi kahan kehta hoon
Kisi majboor ke honton pe jo aa jaata hai
Us tabassum ko main ejaz-e-fughan kehta hoon
Na main zindani-e-sehra na aseer-e-gulshan
Koi bandish ho use jee ka ziyan kehta hoon
Dil shikasta sahi mayoos nahin hoon ae dost
Main ke har daur ko daur-e-guzraan kehta hoon
Husn ka shewa paiman-shikani achha hai
Phir bhi har saans ko chashm-e-nigraan kehta hoon
Koi had hai meri aashufta-sari ki Tabāñ
Un ki zulfon ko charaghon ka dhuan kehta hoon
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں