تمہیں بتاؤ پکارا ہے بار بار کسے — غلام ربانی تاباں
شاعر
تمہیں بتاؤ پکارا ہے بار بار کسے
تمہیں بتاؤ پکارا ہے بار بار کسے
عزیز کہتے ہیں غم ہائے روزگار کسے
سکوت راز کہو یا سکوت مجبوری
مگر لبوں کی جسارت تھی ناگوار کسے
خزاں میں کس نے بہاروں کی دل کشی بھر دی
دعائیں دیتا ہے دامن کا تار تار کسے
کہاں وہ داغ کہ دل کا گماں کرے کوئی
سمجھئے عہد تمنا کی یادگار کسے
نسیم صبح کا غنچوں کو انتظار سہی
ہوائے دشت ہوں میں میرا انتظار کسے
شگفتگی کا اشارہ ہے پھول برسیں گے
نہ جانے آج نوازے گی شاخ دار کسے
جراحتوں کے خزانے لٹا دیے تاباںؔ
کیا ہے راہ کے کانٹوں نے اتنا پیار کسے
غلام ربانی تاباں
Tumhein batao pukara hai bar bar kise
Tumhein batao pukara hai bar bar kise
Azeez kehte hain gham-ha-e-rozgar kise
Sukoot-e-raaz kaho ya sukoot-e-majboori
Magar labon ki jasarat thi nagawar kise
Khizan mein kis ne baharon ki dilkashi bhar di
Du'aen deta hai daman ka taar taar kise
Kahan woh daagh ke dil ka guman kare koi
Samjhe ahd-e-tamanna ki yaadgar kise
Naseem-e-subh ka ghunchon ko intezar sahi
Hawa-e-dasht hoon mein, mera intezar kise
Shaguftagi ka ishara hai phool barsein ge
Na jaane aaj nawaze gi shakh-e-daar kise
Jarahaton ke khazane luTa diye Tabāñ
Kiya hai raah ke kaanton ne itna pyar kise
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں