نمو کے فیض سے رنگ چمن نکھر سا گیا — غلام ربانی تاباں
شاعر
نمو کے فیض سے رنگ چمن نکھر سا گیا
نمو کے فیض سے رنگ چمن نکھر سا گیا
مگر بہار میں دل شورشوں سے ڈر سا گیا
جفائے دوست بہت سازگار آئی ہے
خراب ہو کہ یہ دل اور کچھ سنور سا گیا
نہ جانے باد صبا کیا پیام لائی تھی
کہ پھول ہنس تو دیا پھر بھی منہ اتر سا گیا
بہ فیض شوق یہ دن دیکھنا نصیب ہوا
کہ سر سے درد کا طوفاں گزر گزر سا گیا
طلسم بزم فسون جمال سحر شباب
نگاہ شوق کا دامن گلوں سے بھر سا گیا
وہ شام ہو گئی منسوب ان کی یاد کے نام
چراغ جل سا گیا داغ دل ابھر سا گیا
وہ ایک شوخ کا انداز گفتگو تاباںؔ
جگر میں طنز کا نشتر اتر اتر سا گیا
غلام ربانی تاباں
Numu ke faiz se rang-e-chaman nikhar sa gaya
Numu ke faiz se rang-e-chaman nikhar sa gaya
Magar bahar mein dil shorishon se Dar sa gaya
Jafa-e-dost bahut sazgar aayi hai
Kharab ho ke yeh dil aur kuch sanwar sa gaya
Na jaane baad-e-saba kya payam laayi thi
Ke phool hans to diya phir bhi munh utar sa gaya
Ba-faiz-e-shauq yeh din dekhna naseeb hua
Ke sar se dard ka toofan guzar guzar sa gaya
Tilism-e-bazm fusoon-e-jamal-e-sehr-e-shabab
Nigah-e-shauq ka daman gulon se bhar sa gaya
Woh sham ho gayi mansoob un ki yaad ke naam
Charagh jal sa gaya daagh-e-dil ubhar sa gaya
Woh ek shokh ka andaaz-e-guftugoo Tabāñ
Jigar mein tanz ka nishtar utar utar sa gaya
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں