لائی تری محفل میں مجھے آرزوئے دید — غلام ربانی تاباں
شاعر
لائی تری محفل میں مجھے آرزوئے دید
لائی تری محفل میں مجھے آرزوئے دید
درپیش ہے پھر مرحلۂ طور کی تجدید
مایوس تمناؤں کو اے دوست تری یاد
جیسے افق بیم پہ اک اختر امید
خود اپنا قفس بن گئی کوتاہی پرواز
کچھ دور نہیں ورنہ جہان مہ و خورشید
ایک ایک ادا شوق کی تہذیب پہ مائل
ایک ایک نظر شوخئ جذبات کی تنقید
جو خود نہ سمجھ پائے وہ سمجھائے تو کیسے
افکار میں ابہام تو گفتار میں تعقید
جینا بھی عبادت اسے پینا بھی عبادت
حاصل ہو جسے چشم سیہ مست کی تائید
پندار جنوں ہو نہ سکا رام گدائی
راس آئے نہ تاباںؔ مجھے الطاف صنادید
غلام ربانی تاباں
Layi teri mehfil mein mujhe aarzoo-e-deed
Layi teri mehfil mein mujhe aarzoo-e-deed
Darpesh hai phir marhala-e-toor ki tajdeed
Mayoos tamannaoon ko ae dost teri yaad
Jaise ufaq-e-beem pe ek akhtar-e-umeed
Khud apna qafas ban gayi kotahi-e-parwaaz
Kuch door nahin warna jahan-e-mah o khursheed
Ek ek ada shauq ki tehzeeb pe mayil
Ek ek nazar shokhi-e-jazbat ki tanqeed
Jo khud na samajh paye woh samjhaye to kaise
Afkaar mein ibham to guftaar mein ta'qeed
Jeena bhi ibadat use peena bhi ibadat
Hasil ho jise chashm-e-siyah-mast ki ta'eed
Pindaar-e-junoon ho na saka raam-e-gadayi
Raas aaye na Tabāñ mujhe altaf-e-sanadeed
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں