چھٹے غبار نظر بام طور آ جائے — غلام ربانی تاباں
شاعر
چھٹے غبار نظر بام طور آ جائے
چھٹے غبار نظر بام طور آ جائے
پیو شراب کہ چہرے پہ نور آ جائے
اٹھاؤ جام بنام حیات بادہ کشو
نظارے جھومیں نظر کو سرور آ جائے
شراب خانے میں کوثر کا ذکر کیا کہئے
کسی کی عقل میں جیسے فتور آ جائے
مقام دار سے گزرو تو زندگی پاؤ
پیو جو زہر ہلاہل سرور آ جائے
نگاہ تیز نفس گرم آرزو بے باک
جسے ہو ناز ہمارے حضور آ جائے
یہ کاروبار مشیت بھی خوب ہے تاباںؔ
کسی پہ برق گرے زد پہ طور آ جائے
غلام ربانی تاباں
chhuTe ghubar-e-nazar bam-e-toor aa jaye
chhuTe ghubar-e-nazar bam-e-tur aa jaye
piyo sharab ki chehre pe nur aa jaye
uThao jam ba-nam-e-hayat baada-kusho
nazare jhumen nazar ko surur aa jaye
sharāb-khane mein kausar ka zikr kya kahiye
kisi ki aql mein jaise futūr aa jaye
maqam-e-dar se guzro to zindagi pao
piyo jo zehr-e-halahal surur aa jaye
nigah tez nafas garm aarzu be-bak
jise ho naz hamare huzur aa jaye
ye karobar-e-mashiyat bhi khoob hai Taban
kisi pe barq gire zad pe tur aa jaye
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں