دور طوفاں میں بھی جی لیتے ہیں جینے والے (ردیف .. ح) — غلام ربانی تاباں
شاعر
دور طوفاں میں بھی جی لیتے ہیں جینے والے (ردیف .. ح)
دور طوفاں میں بھی جی لیتے ہیں جینے والے
دور ساحل سے کسی موج گریزاں کی طرح
دل کی وادی میں ترا درد برستا ہی رہا
ابر نیساں کی طرح ابر بہاراں کی طرح
فاصلے وقت میں تبدیل ہوئے جاتے ہیں
زندگی رقص میں ہے گردش دوراں کی طرح
دل کی تسکین کو مانگے کا اجالا کہئے
رات اک شوخ کی یاد آئی تھی مہماں کی طرح
آرزو اور زمانے کی کشاکش سے گریز
زندگی اور چراغ تہ داماں کی طرح
گر نہ ہو خاطر نازک پہ گراں تو کہہ دوں
بات بھی دل میں اتر جاتی ہے پیکاں کی طرح
ایک تصویر بنی سرحد اظہار سے دور
نطق حیراں ہے مرے دیدۂ حیراں کی طرح
چاند نکھرا ہے تری لوح جبیں کی صورت
رات بکھری ہے تری زلف پریشاں کی طرح
کس نے ہنس ہنس کے پیا زہر ملامت پیہم
کون رسوا سر بازار ہے تاباںؔ کی طرح
غلام ربانی تاباں
Daur-e-toofaan mein bhi jee lete hain jeene wale (radeef .. h)
Daur-e-toofaan mein bhi jee lete hain jeene wale
Daur-e-sahil se kisi mauj-e-gurezaan ki tarah
Dil ki waadi mein tera dard barasta hi raha
Abr-e-nisaan ki tarah abr-e-bahaaraan ki tarah
Faasle waqt mein tabdeel hue jaate hain
Zindagi raqs mein hai gardish-e-dauraan ki tarah
Dil ki taskeen ko maange ka ujaala kahiye
Raat ek shokh ki yaad aayi thi mehmaan ki tarah
Aarzoo aur zamane ki kashakash se gurez
Zindagi aur charagh teh-e-daaman ki tarah
Gar na ho khatir-e-naazuk pe giraan to keh doon
Baat bhi dil mein utar jaati hai paikaan ki tarah
Ek tasveer bani sarhad-e-izhaar se door
Nutq hairan hai mere deeda-e-hairan ki tarah
Chand nikhra hai teri loh-e-jabeen ki soorat
Raat bikhri hai teri zulf-e-pareshan ki tarah
Kis ne hans hans ke piya zehar-e-malaamat paiham
Kaun ruswa sar-e-bazaar hai Taaban ki tarah
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں