دل وہ کافر کہ صدا عیش کا ساماں مانگے — غلام ربانی تاباں
شاعر
دل وہ کافر کہ صدا عیش کا ساماں مانگے
دل وہ کافر کہ صدا عیش کا ساماں مانگے
زخم پا جائے تو کمبخت نمکداں مانگے
لطف آئے جو کوئی سوختہ سامان بہار
خالق رنگ سے پھر شعلۂ عریاں مانگے
حسرت دید سر بام تماشہ چاہے
عشق بیتاب سر طور چراغاں مانگے
رات زلفوں سے کرے شوخ اندھیروں کا سوال
روشنی لوح جبیں سے مہ تاباں مانگے
اک چراغ اور سر رہ گزر باد سہی
چار تنکوں کے لئے کون گلستاں مانگے
کم نگاہی کا تقاضہ ہے کہ پھر جرأت شوق
خود تری شوخیٔ انداز سے عنواں مانگے
دست وحشت کے کوئی حوصلے دیکھے تاباںؔ
جب بھی مانگے تو اسی شوخ کا داماں مانگے
غلام ربانی تاباں
Dil woh kafir ke sada aish ka samaan mange
Dil woh kafir ke sada aish ka samaan mange
Zakhm pa jaye to kambakht namakdan mange
Lutf aaye jo koi sokhta samaan-e-bahar
Khaliq-e-rang se phir shola-e-uryaan mange
Hasrat-e-deed sar-e-baam tamasha chahe
Ishq-e-betaab sar-e-toor charaghan mange
Raat zulfon se kare shokh andheron ka sawal
Roshni loh-e-jabeen se mah-e-tabaan mange
Ek chiragh aur sar-e-rahguzar baad sahi
Char tinke ke liye kaun gulistan mange
Kam nigahi ka taqaza hai ke phir jurrat-e-shauq
Khud teri shokhi-e-andaz se unwan mange
Dast-e-wahshat ke koi hausle dekhe Tabaan
Jab bhi mange to usi shokh ka daman mange
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں