ایک تم ہی نہیں دنیا میں جفاکار بہت — غلام ربانی تاباں
شاعر
ایک تم ہی نہیں دنیا میں جفاکار بہت
ایک تم ہی نہیں دنیا میں جفاکار بہت
دل سلامت ہے تو دل کے لئے آزار بہت
ہائے کیا چیز ہے محرومی و غم کا رشتہ
مل گئے زیست کے ہر موڑ پہ غم خوار بہت
یاد احباب کی خوشبو سے مہکتی شامیں
کچھ کہو ہوتی ہیں کمبخت دل آزار بہت
عشق آوارہ کہاں قید در و بام کہاں
بے نواؤں کے لیے سایۂ دیوار بہت
دل کی رفتار بدل جاتی تھی آواز کے ساتھ
یاد آتا ہے وہ پیرایۂ گفتار بہت
ایک دن وقت بتائے گا جنوں کی عظمت
یوں تو ہم لوگ ہیں رسوا سر بازار بہت
وہ کشاکش ہے کہ جینا بھی ہے دوبھر تاباںؔ
عشق معصوم بہت حسن فسوں کار بہت
غلام ربانی تاباں
Ek tum hi nahin duniya mein jafaakaar bahut
Ek tum hi nahin duniya mein jafaakaar bahut
Dil salamat hai to dil ke liye aazaar bahut
Haaye kya cheez hai mehroomi-o-gham ka rishta
Mil gaye zeest ke har mod pe gham khwaar bahut
Yaad ahbaab ki khushboo se mehakti shaamein
Kuchh kaho hoti hain kambakht dil aazaar bahut
Ishq awara kahan qaid-e-dar-o-baam kahan
Be-nawaon ke liye saaya-e-deewar bahut
Dil ki raftaar badal jaati thi awaaz ke saath
Yaad aata hai woh pairaaye-e-guftaar bahut
Ek din waqt bataayega junoon ki azmat
Yun to hum log hain ruswa sar-e-bazaar bahut
Woh kashakash hai ke jeena bhi hai dobhar Taaban
Ishq masoom bahut husn fusoon kaar bahut
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں