ہر موڑ کو چراغ سر رہ گزر کہو — غلام ربانی تاباں
شاعر
ہر موڑ کو چراغ سر رہ گزر کہو
ہر موڑ کو چراغ سر رہ گزر کہو
بیتے ہوئے دنوں کو غبار سفر کہو
خوں گشتہ آرزو کو کہو شام میکدہ
دل کی جراحتوں کو چمن کی سحر کہو
ہر رہ گزر پہ کرتا ہوں زنجیر کا قیاس
چاہو تو تم اسے بھی جنوں کا اثر کہو
میری متاع درد یہی زندگی تو ہے
نا معتبر کہو کہ اسے معتبر کہو
یہ بھی عروج رنگ کا اک معجزہ سہی
پھولوں کی تازگی کو فروغ شرر کہو
دانش وران حال کا تاباںؔ ہے مشورہ
ہر منظر جہاں کو فریب نظر کہو
غلام ربانی تاباں
Har mod ko chiragh sar-e-rahguzar kaho
Har mod ko chiragh sar-e-rahguzar kaho
Beete hue dinon ko ghubar-e-safar kaho
Khoongashta arzoo ko kaho sham-e-maikada
Dil ki jarahaton ko chaman ki sahar kaho
Har rahguzar pe karta hoon zanjeer ka qayas
Chaho to tum usay bhi junoon ka asar kaho
Meri mata-e-dard yahi zindagi to hai
Na-muatabar kaho ke usay muatabar kaho
Ye bhi urooj-e-rang ka ek mojiza sahi
Phoolon ki tazgi ko farogh-e-sharar kaho
Danishvaran-e-haal ka Tabaan hai mashwara
Har manzar-e-jahan ko fareb-e-nazar kaho
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں