ہر ستم لطف ہے دل خوگر آزار کہاں — غلام ربانی تاباں
شاعر
ہر ستم لطف ہے دل خوگر آزار کہاں
ہر ستم لطف ہے دل خوگر آزار کہاں
سچ کہا تم نے مجھے غم سے سروکار کہاں
دشت و صحرا کے کچھ آداب ہوا کرتے ہیں
کیوں بھٹکتے ہو یہاں سایۂ دیوار کہاں
بادۂ شوق سے لبریز ہے ساغر میرا
کیسے اذکار مجھے فرصت افکار کہاں
کیوں ترے دور میں محروم سزا ہوں کہ مجھے
جرم پر ناز سہی جرم سے انکار کہاں
رہ رو شوق ہے بیگانۂ منزل ورنہ
کوچۂ دار کہاں کوچۂ دل دار کہاں
سوچتے کیا ہو جلاتے رہو زخموں کے چراغ
دیکھتے کیا ہو ابھی صبح کے آثار کہاں
تم کو چاہا تھا مگر تم بھی وفا دوست نہیں
دل پہ تکیہ تھا مگر دل بھی وفادار کہاں
یوں تو ہر گام پہ غم خوار ملے ہیں تاباںؔ
جو مرے غم کو سمجھ پائے وہ غم خوار کہاں
غلام ربانی تاباں
Har sitam lutf hai dil khugar-e-azaaar kahan
Har sitam lutf hai dil khugar-e-azaaar kahan
Sach kaha tum ne mujhe gham se sarokar kahan
Dasht-o-sahra ke kuch aadab hua karte hain
Kyun bhatakte ho yahan saya-e-deewar kahan
Bada-e-shauq se labrez hai saghar mera
Kaise azkar mujhe fursat-e-afkar kahan
Kyun tere daur mein mehroom-e-saza hoon ke mujhe
Jurrm par naaz sahi jurrm se inkaar kahan
Rah-rau-e-shauq hai begaana-e-manzil warna
Koocha-e-daar kahan koocha-e-dildaar kahan
Sochte kya ho jalate raho zakhmoun ke chiragh
Dekhte kya ho abhi subh ke aasaar kahan
Tum ko chaha tha magar tum bhi wafa-dost nahi
Dil pe takiya tha magar dil bhi wafadar kahan
Yun to har gaam pe gham-khwar mile hain Tabaan
Jo mere gham ko samajh paye woh gham-khwar kahan
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں