ہجوم درد کا اتنا بڑھے اثر گم ہو — غلام ربانی تاباں
شاعر
ہجوم درد کا اتنا بڑھے اثر گم ہو
ہجوم درد کا اتنا بڑھے اثر گم ہو
ملے وہ رات کہ جس رات کی سحر گم ہو
مزا تو جب ہے کہ آوارگان شوق کے ساتھ
غبار بن کے چلے اور رہ گزر گم ہو
ہماری طرح خراب سفر نہ ہو کوئی
الٰہی یوں تو کسی کا نہ راہبر گم ہو
چلے ہیں ہم بھی چراغ نظر جلائے ہوئے
یہ روشنی بھی کہیں راہ میں اگر گم ہو
تلاش دوست ہے دل کو مگر خدا جانے
کہاں کہاں یہ بھٹکتا پھرے کدھر گم ہو
چمن چمن ہیں وہ نشو و نما کے ہنگامے
گلوں کو ڈھونڈنے جائے تو خود نظر گم ہو
سخن کی جان ہے حسن بیاں مگر تاباںؔ
نہ یوں کہ لفظ ہی رہ جائیں فکر تر گم ہو
غلام ربانی تاباں
hujum-e-dard ka itna baDhe asar gum ho
hujum-e-dard ka itna baDhe asar gum ho
mile wo raat ki jis raat ki sahar gum ho
maza to jab hai ki awargan-e-shauq ke sath
ghubar ban ke chale aur rahguzar gum ho
hamari tarah kharab-e-safar na ho koi
ilahi yun to kisi ka na rahbar gum ho
chale hain hum bhi chiragh-e-nazar jalaye hue
ye roshni bhi kahin rah mein agar gum ho
talash-e-dost hai dil ko magar khuda jane
kahan kahan ye bhaTakta phire kidhar gum ho
chaman chaman hain wo nashv-o-numa ke hangame
gulon ko DhunDhne jaye to khud nazar gum ho
sukhan ki jaan hai husn-e-bayan magar Taban
na yun ki lafz hi rah jaen fikr-e-tar gum ho
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں