جلوہ پابند نظر بھی ہے نظر ساز بھی ہے — غلام ربانی تاباں
شاعر
جلوہ پابند نظر بھی ہے نظر ساز بھی ہے
جلوہ پابند نظر بھی ہے نظر ساز بھی ہے
پردۂ راز بھی ہے پردہ در راز بھی ہے
ہم نفس آگ نہ لگ جائے کہیں محفل میں
شعلۂ ساز بھی ہے شعلۂ آواز بھی ہے
یوں بھی ہوتا ہے مداوائے غم محرومی
جبر صیاد بھی ہے حسرت پرواز بھی ہے
میرے افکار کی رعنائیاں تیرے دم سے
میری آواز میں شامل تری آواز بھی ہے
زندگی ذوق نمو ذوق طلب ذوق سفر
انجمن ساز بھی ہے گرم تگ و تاز بھی ہے
میرے افکار و خیالات میں ساری تاباںؔ
حسن دلی بھی ہے رعنائی شیراز بھی ہے
غلام ربانی تاباں
jalwa paband-e-nazar bhi hai nazar-saz bhi hai
jalwa paband-e-nazar bhi hai nazar-saz bhi hai
parda-e-raz bhi hai parda-dar-e-raz bhi hai
ham-nafas aag na lag jae kahin mahfil mein
shola-saz bhi hai shola-e-awaz bhi hai
yun bhi hota hai mudawa-e-gham-e-mahroomi
jabr-e-sayyad bhi hai hasrat-e-parwaz bhi hai
mere afkar ki ranaiyan tere dam se
meri awaz mein shamil teri awaz bhi hai
zindagi zauq-e-namo, zauq-e-talab, zauq-e-safar
anjuman-saz bhi hai garm-e-tag-o-taz bhi hai
mere afkar-o-khayalat mein sari Taban
husn-e-dilli bhi hai ranai-e-shiraz bhi hai
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں