کمال بے خبری کو خبر سمجھتے ہیں — غلام ربانی تاباں
شاعر
کمال بے خبری کو خبر سمجھتے ہیں
کمال بے خبری کو خبر سمجھتے ہیں
تری نگاہ کو جو معتبر سمجھتے ہیں
فروغ طور کی یوں تو ہزار تاویلیں
ہم اک چراغ سر رہ گزر سمجھتے ہیں
لب نگار کو زحمت نہ دو خدا کے لیے
ہم اہل شوق زبان نظر سمجھتے ہیں
جناب شیخ سمجھتے ہیں خوب رندوں کو
جناب شیخ کو ہم بھی مگر سمجھتے ہیں
وہ خاک سمجھیں گے راز گل و سمن تاباںؔ
جو رنگ و بو کو فریب نظر سمجھتے ہیں
غلام ربانی تاباں
Kamal-e-be-khabri ko khabar samajhte hain
Kamal-e-be-khabri ko khabar samajhte hain
Teri nigah ko jo moatabar samajhte hain
Frogh-e-toor ki yun to hazaar taawilein
Hum ek charagh sar-e-reh-guzar samajhte hain
Lab-e-nigaar ko zehmat na do Khuda ke liye
Hum ahl-e-shauq zabaan-e-nazar samajhte hain
Janaab-e-Shaikh samajhte hain khoob rindon ko
Janaab-e-Shaikh ko hum bhi magar samajhte hain
Woh khaak samjhenge raaz-e-gul-o-saman Taaban
Jo rang-o-boo ko fareb-e-nazar samajhte hain
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں