کسی کے ہاتھ میں جام شراب آیا ہے — غلام ربانی تاباں
شاعر
کسی کے ہاتھ میں جام شراب آیا ہے
کسی کے ہاتھ میں جام شراب آیا ہے
کہ ماہتاب تہ آفتاب آیا ہے
نگاہ شوق مبارک نشاط گل چینی
رخ نگار پہ رنگ عتاب آیا ہے
سزائے زہد شب ماہتاب کیا کم تھی
کہ روز ابر بھی بن کے عذاب آیا ہے
ضیائے حسن و فروغ حیا کی آمیزش
شفق کی گود میں یا آفتاب آیا ہے
تری نگاہ کی ہلکی سی ایک جنبش سے
جہان شوق میں کیا انقلاب آیا ہے
غلام ربانی تاباں
kisi ke hath mein jam-e-sharāb aaya hai
kisi ke hath mein jam-e-sharāb aaya hai
ki mahtab teh-e-aftāb aaya hai
nigah-e-shauq mubarak nishat-e-gul-chini
rukh-e-nigar pe rang-e-itāb aaya hai
saza-e-zuhd shab-e-mahtāb kya kam thi
ki roz-e-abr bhi ban ke azāb aaya hai
ziya-e-husn-o-farogh-e-haya ki aamezish
shafaq ki god mein ya āftāb aaya hai
teri nigah ki halki si ek jumbish se
jahan-e-shauq mein kya inqalab aaya hai
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں