لطف کا ربط ہے کوئی نہ جفا کا رشتہ — غلام ربانی تاباں
شاعر
لطف کا ربط ہے کوئی نہ جفا کا رشتہ
لطف کا ربط ہے کوئی نہ جفا کا رشتہ
دل سے کچھ دور ہے ظالم کی انا کا رشتہ
دست عیسیٰ بھی وہی بازوئے قاتل بھی وہی
کتنا نازک ہے چراغوں سے ہوا کا رشتہ
جبر حالات کہو غم کی مکافات کہو
ٹوٹ بھی جاتا ہے ہونٹوں سے نوا کا رشتہ
سوچیے تو سبھی اپنے ہیں کوئی غیر نہیں
حاکم شہر سے ہے جرم و سزا کا رشتہ
منظر زیست میں کچھ رنگ تو بھر دیتا ہے
خار زاروں سے کسی آبلہ پا کا رشتہ
پھول نایاب سہی زخم تو نایاب نہیں
آج بھی دل سے وہی آب و ہوا کا رشتہ
کیا کریں رسم زمانہ کی شکایت تاباںؔ
درد سے رکھتے ہیں ہم لوگ سدا کا رشتہ
غلام ربانی تاباں
Lutf ka rabt hai koi na jafa ka rishta
Lutf ka rabt hai koi na jafa ka rishta
Dil se kuch door hai zaalim ki ana ka rishta
Dast-e-Eesa bhi wahi bazoo-e-qaatil bhi wahi
Kitna naazuk hai charaghon se hawa ka rishta
Jabr-e-halaat kaho gham ki mukafat kaho
Toot bhi jaata hai honton se nawa ka rishta
Sochiye to sabhi apne hi hain koi ghair nahin
Haakim-e-shehr se hai jurm o saza ka rishta
Manzar-e-zeest mein kuch rang to bhar deta hai
Khaar-zaron se kisi aabla-pa ka rishta
Phool nayaab sahi zakhm to nayaab nahin
Aaj bhi dil se wahi aab o hawa ka rishta
Kya karein rasm-e-zamana ki shikayat Tabāñ
Dard se rakhte hain hum log sada ka rishta
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں