منزلوں سے بیگانہ آج بھی سفر میرا — غلام ربانی تاباں
شاعر
منزلوں سے بیگانہ آج بھی سفر میرا
منزلوں سے بیگانہ آج بھی سفر میرا
رات بے سحر میری درد بے اثر میرا
گمرہی کا عالم ہے کس کو ہم سفر کہیے
تھک کے چھوڑ بیٹھی ہے ساتھ رہ گزر میرا
وہ فروغ خلوت بھی انجمن سراپا بھی
بھر گیا ہے پھولوں سے دامن نظر میرا
اب ترے تغافل سے اور کیا طلب کیجے
شوق نا رسا میرا عشق معتبر میرا
دور کم عیاری ہے کچھ پتہ نہیں چلتا
کون میرا قاتل ہے کون چارہ گر میرا
ناگزیر ہستی ہیں فصل گل کے ہنگامے
شوزش نمو تیری فتنۂ شرر میرا
کچھ بتاؤ تو آخر کیا جواب دوں اس کو
اک سوال کرتا ہے روز مجھ سے گھر میرا
آسماں کا شکوہ کیا وقت کی شکایت کیوں
خون دل سے نکھرا ہے اور بھی ہنر میرا
دل کی بے قراری نے ہوش کھو دیے تاباںؔ
ورنہ آستانوں پر کب جھکا تھا سر میرا
غلام ربانی تاباں
Manzilon se begaana aaj bhi safar mera
Manzilon se begaana aaj bhi safar mera
Raat be-sehar meri dard be-asar mera
Gumrahi ka aalam hai kis ko humsafar kahiye
Thak ke chhod baithti hai saath reh-guzar mera
Woh frogh-e-khilwat bhi anjum sarapa bhi
Bhar gaya hai phoolon se daaman-e-nazar mera
Ab tere taghaful se aur kya talab keejiye
Shauq-e-na-rasa mera ishq-e-moatabar mera
Daur kam ayaari hai kuchh pata nahin chalta
Kaun mera qatil hai kaun chara-gar mera
Naagazeer hasti hain fasl-e-gul ke hangaame
Shozish-e-namo teri fitna-e-sharar mera
Kuchh batao to aakhir kya jawab doon us ko
Ek sawaal karta hai roz mujh se ghar mera
Aasmaan ka shikwa kya waqt ki shikayat kyun
Khoon-e-dil se nikhra hai aur bhi hunar mera
Dil ki be-qarari ne hosh kho diye Taaban
Warna aastanon par kab jhuka tha sar mera
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں